ТИББИЁТДА ҚЎЛЛАНИЛИШИГА ДОИР ЙЎРИҚНОМА ИНГАВИРИН®

Бир капсула қуйидагиларни сақлайди:

• фаол модда: пентандион кислотасининг имидазолилэтанамиди (витаглутам) 100% моддага қайта ҳисобланганда – 90,00 мг;
• ёрдамчи моддалар: лактоза моногидрати, картошка крахмали, коллоид кремний диоксиди (аэросил), магний стеарати;
• қаттиқ желатин капсулалар: титан диоксиди Е 171, пунц бўёвчиси [Понсо 4R] Е 124, азорубин бўёвчиси Е 122, сариқ хинолин бўёвчиси Е 104, желатин;
• логотип учун сиёҳ таркиби: шеллак, пропиленгликоль Е 1520, титан диоксиди Е 171.

Таърифи:

қизил рангли №2 ёки № 3 капсулалар. Капсуланинг қопқоқчасига оқ рангли ҳалқа ва ҳалқа ичида И харфи кўринишида логотип туширилган. Капсула ичидагиси – оқ ёки деярли оқ рангли гранулалар ва кукун; енгил босилганда осон сочилувчан конгломератлар ҳосил бўлишига йўл қўйилади.

Фармакотерапевтик гуруҳи:

Вирусларга қарши восита. Яллиғланишга қарши восита.

АТХ коди:

J05AX.

Фармакодинамикаси

Вирусларга қарши препаратдир.

Клиник олди ва клиник тадқиқотларда Ингавирин® препаратининг A тури грипп (A(H1N1), шу жумладан «чўчқа» A(H1N1)pdm09, A(H3N2), A(H5N1)) ва В тури вируси, аденовирус, парагрипп вируси, респиратор-синцитиал вирусларга нисбатан самарадорлиги кўрсатилган; клиник олди тадқиқотларда: коронавирус, метапневмовирус, энтеровируслар, шу жумладан Коксаки вируси ва риновирусларга.

Ингавирин® вирус юкламасини камайтиради, вирусларни элиминациясини тезлаштиради, касалликни давомийлиги қисқартиради, асоратларни ривожланиш хавфини пасайтиради.

Таъсир механизми инфекцияланган ҳужайралар даражасида вирус оқсиллари орқали сусайтирилган туғма иммунитет омилларини фаоллашуви ҳисобига амалга ошади. Экспериментал тадқиқотларда, хусусан Ингавирин® препарати эпителиал ва иммунокомпетент ҳужайралари юзасида IFNAR биринчи тури интерферон рецепторлари экспрессиясини оширади. Интерферон рецепторларининг зичлигини ошиши ҳужайраларни эндоген интерферон сигналларига сезувчанлигини ошишига олиб келади. Жараён вирусларга қарши генларни индукцияси учун ҳужайра ядросига сигнални ўтказувчи STAT1 оқсил-трансмиттернинг фаоллашиши (фосфорланиши) билан кечади. Инфекция шароитида препарат вирусларга қарши эффектор МхА оқсилини синтезини фаоллаштиради (турли вирусларнинг рибонуклеопротеидларининг ҳужайра ичида ташилишини ингибиция қилувчи вирусларга қарши жавобни эрта омили) ва вирус оқсилларини трансляциясини бостирувчи шаклини фаоллаштиради, шундай қилиб вирус репродукцияси жараёнини секинлаштиради ва тўхтатади.

Ингавирин® препаратини таъсири вирусни цитопатик ва цитодеструктив таъсири белгиларини аҳамиятли даражада камайишига, инфекцияланган ҳужайралар сонини пасайишига, патологик жараённи чекланишига, ҳужайраларни таркиби ва тузилишини 2 нормаллашувига ва унинг ҳам эрта, ҳам кечки босқичида инфекцион жараёни соҳасида тўқималарни морфологик манзарасига боғлиқ. Яллиғланишга қарши таъсири яллиғланишга қарши муҳим цитокинларнинг маҳсулотларини (ўсма некрози омили (TNF-α), интерлейкинларни (IL-1β ва IL-6)) бостирилиши, миелопероксидаза фаоллигини пасайиши билан боғлиқ.

Экспериментал тадқиқотларда Ингавирин® препаратини антибиотиклар билан бирга қўллаш бактериал сепсис, шу жумладан стафилакоккнинг пенициллинга резистент штаммлари чақирган моделларда даволашнинг самарадорлигини оширади.

Ўтказилган экспериментал токсикологик тадқиқотлар препаратни токсиклигининг паст даражаси ва хавфсизлигининг юқори даражасидан далолат беради.

Ингавирин® препарати ўткир токсиклик кўрсаткичи бўйича токсикликнинг 4 синфи – “Кам токсик моддалар” га мансуб (ўткир токсиклик бўйича ўтказилган экспериментларда LD50 аниқланганда препаратнинг летал дозаларини аниқлаб бўлмаган).

Препарат мутаген, иммунотоксик, аллергия чақирувчи ва канцероген хусусиятларга эга эмас, маҳаллий-қитиқловчи таъсир кўрсатмайди.

Ингавирин® препарати репродуктив фаолиятга таъсир қилмайди, эмбриотоксик ва тератоген таъсирларни кўрсатмайди.

Ингавирин® препаратини тавсия қилинган схема ва курс бўйича ёшга мувофиқ дозада қабул қилинганда қон яратиш тизимига таъсири йўқ.

Фармакокинетикаси

Сўрилиши ва тақсимланиши

Радиофаол нишон қўлланган экспериментда қуйидагилар аниқланган: препарат меъдаичак йўлларидан қонга тез тушади, ички аъзолар бўйича тақсимланади. Препарат юборилгандан кейин 30 минут ўтгач қонда, қон плазмасида ва кўпчилик аъзоларда максимал концентрацияга эришилади. Буйрак, жигар ва ўпкадаги AUC (“концентрациявақт” эгри чизиғи остидаги майдон) кўрсаткичи қондаги AUC кўрсаткичидан бироз ошади (43,77 мкг.соат/г). Талоқ, буйрак усти бези, лимфатик тугунлар ва тимус учун AUC кўрсаткичи қондаги AUC кўрсаткичидан паст. Қонда MRT (препаратни тутилишининг ўртача вақти) кўрсаткичи – 37,2 соатни ташкил қилади.

Препаратни суткада бир марта курс бўйича қабул қилинганда уни ички аъзоларда ва тўқималарда тўпланиши юз беради. Бунда препаратни ҳар бир юборилгандан кейин фармакокинетик эгри чизиқ характеристикалари: ҳар бир қабул қилингандан кейин 0,5-1 соат ўтгач препаратнинг концентрациясини тез ошиши ва сўнгра 24 соатда аста-секин пасайиши бир-бирига айнан ўхшаш.

Метаболизми.

Препарат организмда метаболизмга учрамайди ва ўзгармаган кўринишда чиқарилади

Чиқарилиши.

Чиқарилишнинг асосий жараёни 24 соат давомида юз беради. Бу даврда қабул қилинган дозанинг 80% чиқарилади: 34,8% 0 соатдан 5 соатгача бўлган вақт оралиғида ва 45,2% 5 соатдан 24 соат вақт оралиғида чиқарилади. Улардан 77% ичак орқали ва 23% - буйрак орқали чиқарилади.

Катталарда А ва В гриппини ва бошқа ўткир респиратор вирусли инфекцияларни (аденовирус инфекцияси, парагрипп, респиратор-синтициал инфекция, риновирус инфекция) даволашда қўлланади.

Ичга. Овқатни қабул қилишдан қатъий назар қўлланади.
Катталарга грипп ва ўткир респиратор вирусли инфекцияларни даволаш учун 90 мгдан кунига 1 марта буюрилади.

Даволаш давомийлиги 5-7 кунни (ҳолатнинг оғирлик даражасига қараб) ташкил қилади. Препаратни қабул қилиш касалликнинг биринчи симптомлари пайдо бўлган вақтдан бошланади, касаллик бошлангандан кейин 2 суткадан кеч бўлмаган вақт давомида бошлаган афзалроқ.

Катталарда яққол симптомларда, шунингдек ёндош касалликлар бўлганда (нафас ва юракқон томир тизими касалликлари, қандли диабет, семизлик) препаратни касалликни биринчи уч кунида иккибаробар дозада қўллаш, кейинчалик қабулни одатий дозада 2-4 кун давомида давом эттириш лозим.

Грипп ва ўткир респиратор вирусли инфекцияларни олдини олиш учун беморлар билан алоқа қилингандан кейин препаратни катталарга 7 кун давомида буюрилади.

Агар 5 кун даволангандан кейин яхшиланиш бошланмаса ёки симптомлар чуқурлашса ёки янги симптомлар пайдо бўлса, шифокор билан маслаҳатлашиш зарур. Препаратни фақат йўриқномада кўрсатилган кўрсатмаларга, қўллаш усулига ва дозаларга мувофиқ қўллаш керак

Аллергик реакциялар (кам ҳолларда) кузатилиши мумкин

Агар йўриқномада кўрсатилган ҳар қандай ножўя самаралар чуқурлашса ёки Сиз йўриқномада кўрсатилмаган ҳар қандай бошқа ножўя самараларни сезсангиз бу ҳақида шифокорга хабар қилинг.

• Таъсир этувчи моддага ёки препаратнинг ҳар қандай компонентига юқори сезувчанлик.
• Лактаза танқислиги, лактозани ўзлаштираолмаслик, глюкозо-галактоза кам сўрилиши.
• Ҳомиладорлик.
• Эмизиш даври.
• 18 ёшгача бўлган болаларда қўллаш мумкин эмас.

Ингавирин® препаратининг дорилар билан ўзаро таъсири таърифланмаган.

Шифокорнинг олдиндан берадиган маслаҳатисиз бошқа вирусларга қарши препаратлар билан бир вақтда қабул қилиш тавсия этилмайди.

Йўриқномани сақлаб қўйинг. У яна керак бўлиб қолиши мумкин. Агар Сизда саволлар пайдо бўлса, шифокорга мурожаат қилинг.

Ҳомиладорликда ва лактация даврида қўлланиши

Препаратни ҳомиладорлик вақтда қўлланиши ўрганилмаган

Препаратни лактация даврида қўлланиши ўрганилмаган, шунинг учун препаратни лактация даврида қўллашга зарурат бўлганида эмизишни тўхтатиш лозим.

Транспорт воситаларини ва мураккаб механизмларни бошқариш қобилиятига таъсири

Ўрганилмаган, аммо таъсир механизми ва ножўя реакциялари профилини ҳисобга олиб, препаратни транспорт воситалари ва механизмларни бошқариш қобилиятига таъсир қилмаслигини тахмин қилиш мумкин.

Ингавирин® препаратининг дозасини ошириб юборилиши ҳолатлари ҳақида ҳозирги вақтгача хабар берилмаган.

Капсулалар, 90 мг.

7 ёки 10 капсуладан поливинилхлорид плёнка ва босма лакланган алюмин фольгали контур уяли ўрамда.

Бир контур уяли ўрам қўлланилишига доир йўриқномаси билан қутига жойланади.

Ёруғликдан ҳимояланган жойда, 25°С дан юқори бўлмаган ҳароратда.

Болалар ололмайдиган жойда сақлансин.

3 йил.

Яроқлилик муддати ўтгач қўлланилмасин.

Рецептсиз.

«Валента Фарм» АЖ
141108, Россия, Москва вил., Щелковош . , Фабричная куч., 2 уй.
Тел. +7 (495) 933 48 62,
факс +7 (495) 933 48 63.

Узбекистон Республикасида "Валента Фарм" АЖ Ваколатхонаси
100015, Узбекистон Республикаси, Тошкент ш,. Афросиеб куч., 4Б, 309-офис. Тел.: (+99893) 180 19 15

Узбекистон Республикасида "Валента Фарм" АЖ Ваколатхонаси
100015, Узбекистон Республикаси, Тошкент ш,. Афросиеб куч., 4Б, 309-офис. Тел.: (+99893) 180 19 15